اخبار الثقافة

22:34

تعالي الآن

يوميات مهاجر بزز عليه”الحلقة 24″

كتب في 30 يوليو 2021 - 9:47 م
مشاركة

عبد الرحيم الجبلي
اليوم كان 9 فيراير 2004 اول يوم عمل طبيعة العمل في الشركة بالتناوب طيلة ايام الاسبوع ماعدا الاحد يعني ثلاث افواج الاول من السادسة صباحا الى الثانية بعد الظهر والاخر من الثانية الى العاشرة ليلا والاخير من العاشرة ليلا الى السادسة صباحا ، ماعنديش فكرة اشحال اديال الخدامة اللي كاينين ، وماعنديش فكرة ايضا على طبيعة العمل ، المهم خوكم غادي على الله وصافي وداير في بالي جميع المفاجآت ، بالنسبة اللي انا اجديد غادي يكون العمل عندي من الثامنة صباحا الى الرابعة بشرط مرور خمسة عشرة يوما كتجريب ، النعاس طار اعليا هاديك الليلة وتفكيري كلو كيف سيكون اول يوم ، امشيت للخدمة مع السبعة ونص صابتني تم ، افتح لي الكانشيلو الكابو ، يعني. في راسو ولكن قال اتسنى اهنا في مستودع الملابس حتى يجي الباطرون ، فعلا ابقيت جالس تم وكانهدز عدد الاماكن فقط اربعة رجال ، يعني كاينة حنى الاسماء اديالهم ، قلت في نفسي مكاينش ابنادم بزاف حتى في الباركينج فيه سيارات اقليلة يعني حسب الفوج ، وصلت الثامنة فإذا بي المسؤول عن الانتاج جا عندي عيط ليا باش ناخد لحوايج اديال الخدمة ، هههههههه امشينا لواحد المكان في الملابس سولني هلى السباط قلت ليه 41 جابو ليا ، القميص تاليا m .
هادو اعرفتهم ولكن سولني اهلى السروال ابقيت كانبرقق في عينيا ، ماعرفتش باش انجاوبو ، فقط قلت ليه وريني السراول وانا نعزل ، هههههه هزيت سروال اعبرتو اعلى عنقي جاني اصغير هزيت واحد اخر جاني اكبير وفي الاخير اعبرت واحد جاني هو هداك ، قلت ليه هذا هو السروال اللي قدي ، جاتو اغريبة كيفاش درت القياس ولد لحرام امشى عند الخدامة وافرشني قدامهم قال ليهم الطريقة اديال لعبار الى ماعرفتيش القياس اديالك ، امشيت معاه اعطاني مكاني في انبدلو لحاويج والاسم اديالي ، ادخلت لمكان الانتاج مانقولش ليكم فعلا انبهرت وكأنها مصحة من حيث شكلها ونظافتها .
يتبع .