اخبار الثقافة

22:02

الممارسة كمفهوم ماركسي

اخبار الوطن

15:41

بيع المبادئ يورث الردى

اخبار الوطن

7:08

البؤساء

يوميات مهاجر بزز عليه “الحلقة 23”

كتب في 11 يوليو 2021 - 11:06 م
مشاركة

بقلم: عبد الرحيم الجبلي

دازت ليلة طويلة ، مابطى اعليا وقتاش يصبح الحال ، مانعستش الليل كله ، في الصباح امشيت افطرت في الخارج وانتظر الثامنة ، من كثرة تعلقي بالخدمة امشيت مع 7، مابغاتش توصل الثامنة ، صونيت فتح الباب دخلت فإذا بالمسؤول عن الانتاج داخل الوحدة تفاجأ بقدومي وهو لايعرفني ، اكيد ان رب العمل ماقال ليه والو ، سولني اش ابغيت ، قلت لو ان الباطرون هو اللي قال جي في الصباح ، ابقى كايضحك داني   إلى مستوع الملابس وهناك توجد ماكنة اديال القهوة ، صاوب لي وحدة كحلة اضربتها وابقيت في الدفئ لان الجو بارد والضبابة ماتشوفش اللي احداك ،الوقت يمر ببطئ ، جاو الكاتبات والباطرون ومراتو مازال ماوصلوش ، الثامنة ودقيقتين وصلو كل واحد بسيارته اش انقول ليكم خليونا ساكتين احسن ،

امشيت للمكتب نزلت عندي الباطرونة بعد التحية صاوبت لي قهوة مرة اخرى اشربتها ماشي ابحال ديك اللي اشربت في الأول صاوبت لي الميزاج، شفتها جايبة معاها ورقة وقلم اعطيتها بطاقة التعريف سجلت الاسم اول سؤال ، فاين كنت خدام ، صارحتها بكل شيئ طلبت مني رقم اديال اللي كان صاوب لي الاوراق ،قالت لي انتظر قليلا وغادي نرجع امشات لمكتبها وبعد 10رجعت وكاضحك اعطتني ورقة مكتوب فيها خاصني نمشي للمستشفى باش اندير فحص شامل ، زائد 50 اورو واردفتها نلتقي يوم الاثنين واتذكر جيدا ان ذاك اليوم كان يوم خميس، سولتها اعلى لفلوس اديالاش قالت لي باش اتخلص الفحص ، مع ان قيمة الفحص 20 اورو فقط ابقات ليا 30 قلت مع نفسي ربما ابغات اتجربني انهار نرجع عندها نرد ليها افلوسها ، اخرجت من عندها عيط ليا الباطرون لقديم باش نمشي عندو بالزربة ، وفعلا امشيت صبتو كايتسنى اول حاجة قال لي مبروك اعليك الخدمة الجديدة ، تفاجأت مع اني باقي في المراحل الاولى واش غادي يقبلوني ام لا ،واخبرني انها اتصلت به وقال ليها بالحرف هداك خدميه في المكتب راه مزيان وصحيح ، واللي ابغيتيها راه يديرها ، اطمان قلبي واصبحت فرصة قبولي بالعمل بنسبة كبيرة جدا ، ودعته اميشت للمستشفى باش اندير الفحص وفعلا مرت الامور بخير واخدت الشهادة والتصريح انني لا احمل اي مرض معدي او او او …..
يتبع.