اخبار الثقافة

22:02

الممارسة كمفهوم ماركسي

اخبار الوطن

15:41

بيع المبادئ يورث الردى

اخبار الوطن

7:08

البؤساء

مانايض مانايض اسي الجواهري …

كتب في 27 يونيو 2021 - 12:05 ص
مشاركة

الحسين فاتش _اسبانيا

عبد اللطيف الجواهري من 1962 وهو راكب على ظهر المخزن يتقلب في المناصب السامية متنقلا مابين القطاعين العام والخاص كيفما بغا…بحال إيلا الأرحام ديال المغربيات عجزت باش تزود الإدارة فالمغريب بدماء جديدة من الكفاءات الشابة اللي كتتخرج من أمهات المعاهد العالمية وتبقي عرضةللتهميش أو تدفع لأن تقدم على الهجرة ..
والذي يسمع أن السي عبد اللطيف الجواهري 59 سنة وهو يتقلب في المسؤوليات في المغرب البلد الخاضع لنفس التحولات المتسارعة التى يعرفها عالم اليوم غادي يعرف تلقائيا علاش المغرب ديما مكلاصي فالزنطيط ديال الترتيب ضمن دول العالم. طبيعة التكوين الذي تلقاه اسي الجواهري في مدارس القرن الماضي أي إبان حقبة ماقبل ظهور الاقتصاد الرقمي و الكمبيوتر وإلطابليت والهاتف الذكي والكونيكسيون 5 جي والانترنت والسوشل ميديا والذكاء الاصطناعي الخ .واش هو .صالح لكل الأزمنة والعصور ؟ واش كاع بلدان العالم الأول المتقدمة اقتصاديا لازالت تدار على يد نفس النخب التقليدية التى أشرفت على إدارتها في خمسينيات وستينيات القرن الماضي ؟؟؟….
ماعليناش ماشي غير هو الإطار الذي يراد تحنيطه حيت مامنو جوج وداير ين ليه أبت هنا تنبت، مايسري عليه قانون التقاعد ولا بلوغ سن الشيخوخة!! كاين بزاف ديال الفيتيرانات بحالو منهم على سبيل المثال لاللحصر السي الحبيب المالكي و عبد الواحد الراضي وغيرهم وغيرهم. …. ولا يخلو مجال في مشهد النخب المعينة بالمناصب السامية من مسؤولين أدركتهم الشيخوخة وأحيانا العجز المزمن ولا يزالون في الخدمة و مابقى للدولة غير تدير ليهوم موظف يبدل ليهوم ليكوش … وهكذاك حالفين مايطلقو من البزولة.
نتفق مع السيد عبداللطيف الجواهري انه لم يعد للاأحزاب السياسية بالمغرب وجود بقدر ما توجد ميليشيات بالكوستيم ورباطة العنق الحريرية تتحرك بأوامر من جهاز الداخلية أو تدخل جواها وتزم فمها حسب التعليمات ، ونتفق معه على تسميتها الزعتر والباكور ولكن في الجهة ديال اسي الجواهري كاين كذلك بزاف ديال القديد والكرداس والشريحا والنبق والغاز…
المهم مانايض مانايض غير زيدو على حمار الشعب.